შესვლის ფორმა
სტატისტიკა
სულ ონლაინში: 1 სტუმარი: 1 მომხმარებელი: 0
სტატისტიკა!!!
|
 |
| | | RSS | | ძალა ერთობაშია!!! | | |
სტატიების კატალოგი
ქართლის აჯანყება 1742-1745
ქართლის აჯანყება 1742-1745, ქართლის მოსახლეობის ბრძოლა სპარსელთა ბატონობის წინააღმდეგ. გამოიწვია მძიმე გადასახადმა (დაახლოებით ახლანდელი 6 ათასი ტ პური), რომელიც ნადირ-შაჰმა ქართლის მოსახლეობას შეაწერა (მანამდე შაჰმა ქართლს დაახლოებით 9 ათასი ტ პური წაართვა, ნაცვლად შეწერილი დაახლოებით 1800 ტ). მოსახლეობას აუტანელ ტვირთად აწვა ყიზილბაშური ხარკი ("მალუჯათი"), ჯარის სავალდებულო შენახვა ("ნუქერი"), სპარსეთის ჯარისათვის "სურსათის" გადასახადი და ა. შ.
აჯანყებას სათავეში ჩაუდგა გივი ანდუყაფარის ძე ამილახვარი. აჯანყებულები ქსნის ხეობაში გამაგრდნენ. მიიმხრეს არაგვის ხეობა და საამილახვროც. კახეთის მეფემ თეიმურაზ II-მ მათ მხარი არ დაუჭირა. ნადირ-შაჰი დიდ ლაშრქრობას აწრობდა დაღესტანში და ძალიან სჭირდებოდა ტრანსპორტი. მან შერიგება შესთავაზს ამილახვარს და პატიება აღუთქვა, მაგრამ უშედეგოდ.
ამილახვარმა ბორჯომის ხეობაც დაიკავა და კავშირი დაამყარა ახალციხის ფაშასთან. ახალციხიდან აჯანყებულები ტყვია-წამალსა და ფულს იღებდნენ. გ. ამილახვარმა ქართლში მიიწვია ბაქარი (ვახტანგ VI-ის ძე), რომელიც იმჟამად ასტრახანში იმყოფებოდა და გზებს ეძებდა სამეფო ტახტის დასაკავებლად. შაჰმა ერთხელ კიდევ სცადა ამილახვარის შერიგება, მაგრამ მიზანს ვერ მიაღწია და თავადების მოსყიდვა-გადაბირების გზას დაადგა. მალე ქართველ თავადთა შორის მტრობამ იჩინა თავი. ამილახვარმა სამაჩაბლო დაარბია, შიდა ქართლის თავადებმა - ქვემო ქართლი. შინაომები გაჩაღდა ცალკეულ საგვარეულოებს შიგნითაც. აჯანყება თანდათან შინაფეოდალურ ომად იქცა. ოსმალებთან დაკავშირებამ სახელი გაუტეხა მას. აჯანყებული ქართლის თავადების წინააღმდეგ აქტიურად გამოვიდა თეიმურაზ II. შაჰის მხარდაჭერით მან არაგვის ხეობა . მისი ძალაუფლება მთიულ-მოხევეებმაც. 1744 თეიმურაზს ქსნისხეველებიც მიუვიდნენ. გივის ამილახვარმა რევაზ ამილახვარმა წირქოლის ციხე უომრად გადასცა თეიმურაზ II-ს. გ. ამილახვრის მდგომარეობა შეირყა. მან ქართლში ოსმალები მოიწვია. თეიმურაზ II-მ და ერეკლე II-მ აჩაბეთის ბრძოლაში გ. ამილახვარი და მისი დამხმარე თურქთა ჯარი დაამარცხეს. შაჰმა ქართლისა და ყაზახ-ბორჩალოს მმართველად თეიმურაზ II დანიშნა.
გ. ამილახვარმა ისევ მოიწვია ოსმალები, რომლებმაც გორთან დაამარცხა თეიმურაზ II, მაგრამ ერეკლე II-მ მოულოდნელი დარტყმით არაგვთან დაამარცხა ოსმალები და აიძულა ისინი ქართლიდან წასულიყვნენ. 1744 წლის ივნისში შაჰმა თეიმურაზ II-ს ქართლის მეფობა უბოძა. ქართლში თეიმურაზის მომხრეები მომრეავლდნენ. 1745 წლის დასაწყისში გ. ამილახვარი სურამის ციხეში იყო გამომწყვდეული. 5 თვის ალყის შემდეგ ციხე დაეცა. თეიმურაზ II-მ შაჰის მოთხოვნით გ. ამილახვარი ირანში გაგზავნა.
აჯანყება დამთავრდა. მიუხედავად აჯანყების დამარცხებისა, შაჰი იძულებული გახდა ქართლში ქრისტიანი მეფე დაენიშნა. მაჰმადიან მეფეთა ბატონობის პერიოდი დამთავრდა. ამასთან შაჰი იძულებული გახდა ქართველთათვის გარკვეული შეღავათი მიეცა.
|
| კატეგორია: Мои статьи | დაამატა: KALMAXSKI (09.01.2010)
|
| ნანახია: 861
| რეიტინგი: 0.0/0 |
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] |
|
